काठमाडौं : काठमाडौंको ग्रान्डी अस्पतालमा सप्तरीका कोरोना संक्रमित वृद्धको मृत्यु भएको छ । अस्पतालमा एक सातादेखि उपचाररत वृद्धको शुक्रबार मृत्यु भएको स्रोतले जानकारी दिएको छ ।

राजविराज नगरपालिका–७ का ७७ वर्षीय उनलाई निरन्तर ज्वरो आएपछि सप्तरीमै पीसीआर परीक्षणको तयारी गरिएको थियो । साथमा निमोनियाको पनि समस्या देखिएपछि  काठमाडौंमै रहेका दुई छोराहरु यतै बोलाएका थिए ।

ग्रान्डीमै उपचारका क्रममा पीसीआर परीक्षण गर्दा संक्रमण पुष्टि भएको थियो । शुक्रबार उनको मृत्यु भएको हो ।