काठमाडौं– नेपालमा कोरोना संक्रमणका कारण थप दुईजनाको मृत्यु भएको छ । मृत्यु हुनेमा काठमाडौं का ७४ वर्षीय पुरुष र धनुषाका ७६ वर्षीय पुरुष छन् ।

उनीहरु दुवैको ललितपुरस्थित पाटन अस्पतालमा सोमबार निधन भएको हो । स्वास्थ्य कार्यालय ललितपुरले यसबारे जानकारी दिएको छ ।

७४ वर्षीय पुरुष काठमाडौं निवासी हुन् । भदौ ६ गतेदेखि पाटन अस्पतालमा उपचार गराइरहेका उनको उपचारको क्रममा सोमबार मृत्यु भएको हो ।  

श्रावण २५ गतेदेखि पाटन अस्पतालमा उपचाररत धनुषाका ७६ वर्षीय कोरोना संक्रमित पुरुषको पनि सोमबारै उपचारको क्रममा मृत्यु भएको हो ।