भारतमा शुक्रबार कोरोनाभाइरस संक्रमणले नयाँ रेकर्ड बनाएको छ । 

त्यहाँ शुक्रबार मात्र ७७ हजार २ सय ६६ जनामा कोरोनाभाइरस संक्रमण देखिएको हो । 

योसँगै भारतमा कोरोना संक्रमितको संख्या तीस लाख ३९ हजार पुगेको त्यहाँको स्वास्थ्य मन्त्रालयले जनाएको छ । ७ अगस्टदेखि भारतमा प्रत्येक दिन सबैभन्दा बढी कोरोना संक्रमित भेटिएका छन् । र, अमेरिका तथा ब्राजिलपछि भारत नै सबैभन्दा बढी प्रभावित देश पनि बनेको छ । 

शुक्रबार मात्र भारतमा १ हजार ५७ जनाको कोभिड १९ का कारण निधन भएको छ । योसँगै भारतमा कोरोनाका कारण मृत्यु हुनेको संख्या ६१ हजार ५ सय २९ पुगेको छ ।