रुपन्देहीमा ट्रकको ठक्करबाट पैदल यात्रीको मृत्यु भएको छ । 

सैनामैना नगरपालिका ५ बुद्धनगर स्थित सडकमा ना.६ ख ५७०२ नम्बरको ट्रकको ठक्करबाट पैदलयात्री सोही नगरपालिका ६ कलौनी बस्ने छत्रबहादुर विकको १६ वर्षीय छोरा विनोद विकको मृत्यु भएको हो ।

ठक्करबाट गम्भीर घाइते भएका विनोदको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो । ठक्कर दिने ट्रक र ट्रक चालकलाई प्रहरीले नियन्त्रणमा लिएको छ ।