जर्मनीको एक अदालतले बर्लिनमा हुने कोरोनाभाइरस संक्रमणका कारण लागेका प्रतिबन्धविरुद्ध हुने प्रदर्शनी गर्न पाउने अनुमति दिएको छ । 

प्रशासनले यसअघि यस्ता प्रदर्शनलाई रोक्दै आएको थियो । प्रशासनले आफ्नो प्रदर्शन रोकेपछि प्रदर्शनका आयोजक अदालत पुगेका थिए ।

अदालतले केही सर्तहरु राखेर विरोध प्रदर्शनलाई अनुमति दिएको हो ।

यी विरोध प्रदर्शनमा पछिल्लो समय हजारौँ मानिसहरु सहभागी भइरहेका छन् । र, पछिल्लो समय जर्मनीमा कोरोनाभाइरस संक्रमितको संख्या पनि नियमित रुपमा बढिरहेको छ ।

यसअघि त्यहाँ सरकारले प्रतिबन्ध लगाएपछि विरोध प्रदर्शन सुरु भएको थियो ।