सप्तरीमा एक कोरोना संक्रमितको मृत्यु भएको छ । राजविराज नगरपालिका–२ की ६० वर्षीया महिलाको शनिबार राति मृत्यु भएको स्वास्थ्य कार्यालय सप्तरीले जनाएको छ ।
    
पाँच दिन अघिदेखि ज्वरो आइरहेकी ती महिलाले राजविराजस्थित निजी क्लिनिकमा उपचार गराइ रहेकी थिइन् । निमोनियाबाट ग्रसित भएकी उनलाई स्वास्थ्य अवस्था गम्भीर भएपछि उनलाई विराटनगर लैजाँदै गर्दा मृत्यु भएको मृतकका परिवारले जनाएका छन् ।

वीरगन्जको गण्डक कोभिड अस्पतालमा उपचाररत कोरोना संक्रमितको मृत्यु भएको छ ।   रौतहटको राजपुरका ४० वर्षीय पुरुषको आइतबार बिहान मृत्यु भएको हो ।

उनलाई  भदौ १२ गते कोरोना संक्रमण पुष्टि भएपछिगण्डक अस्थायी कोभिड अस्पतालमा ल्याएर भर्ना गरिएको थियो कोभिड अस्पतालमै उपचारका क्रममा उनको आइतबार बिहान पौने ८ बजे मृत्यु भएको नारायणी अस्पताल स्रोतले जानकारी दिएको छ ।