वीरगन्जमा कोरोनाबाट ९७ वर्षीय वृद्धको मृत्यु भएको छ । वीरगन्जस्थित गण्डक अस्थायी कोभिड अस्पतालमा उपचाररत बाराका वृद्धको बुधबार बिहान मृत्यु भएको नारायणी अस्पतालले जानकारी दिएको छ । बारा सिम्रौनगढ नगरपालिका–९ का ९७ वर्षीय वृद्धमा भदौ १४ गते कोरोना संक्रमण रहेको पुष्टि भएको थियो ।
 
मुटुको रोग रहेका वृद्धमा निमोनियाको समस्या देखिएपछि भदौ १२ गते वीरगन्जकै तराइ अस्पालमा भर्ना गरिएको थियो ।

त्यसपछि गरिएको परीक्षणमा कोरोना संक्रमण देखिएपछि भदौ १४ गते गण्डक कोभिड अस्पताल सारिएको थियो । उपचारका क्रममा राति १ बजे वृद्धको मृत्यु भएको  नारायणी अस्पतालले जनाएको छ ।