बाग्लुङ जिल्लामा बाढीले बस्ती नै बगाउँदा कम्तिमा पनि १२ जना बेपत्ता भएका छन् । बाग्लुङको ढोरपाटन नगरपालिका ९ को सुकुर्दुङ खोलामा बाढी आउँदा कम्तिमा पनि १० घर बगेका छन् । 

यो खोलामा अचानक हिजो राति बाढी आएको थियो । बाढीमा १० घरका कम्तिमा पनि १२ जना हराइरहेका छन् ।

रातिको समयमा खोला उर्लिएर आउँदा क्षति भएको बताइएको छ । तर, अहिलेसम्म यसका कारण भएको क्षतिको वास्तविक तथ्यांक आइसकेको छैन । प्रहरीले त्यहाँका बस्तीका मानिसलाई बाढीले बगाएको हुनसक्ने अनुमान गरेको छ ।

घटनास्थलमा प्रहरी रातिदेखि नै परिचालन गरिएको छ ।