पछिल्लो २४ घण्टामा नेपालमा थप १ हजार ४१ जनामा कोरोना संक्रमित थपिएको स्वास्थ्य मन्त्रालयका प्रवक्ता डा.जागेश्वर गौतमले जानकारी दिएका छन् । १२ हजार ४७३ जनाको स्वाब परीक्षण गर्दा ३४९ महिला र ६९२ पुरूष गरी थप १ हजार ४१ जनामा संक्रमण पुष्टि भएको हो ।
जसअनुसार प्रदेश १ का जिल्लाहरुमा इलाममा एकजना, उदपयुरमा ३ जना, ओखलढुंगामा २ जना, झापामा ७ जना, मोरङमा ३५ जना र सुनसरीमा २० जनामा कोरोना पुष्टि भएको डा. गौतमले बताए ।
यस्तै, प्रदेश २ का जिल्लाहरुमा धनुषामा ७ जना, पर्सामा १० जना , बारामा १३ जना, महोत्तरीमा २६ जना, सप्तरीमा २० जना, सर्लाहीमा १७ जना र सिराहामा ४१ जनामा कोरोना पुष्टि भएको उनले बताए ।
मन्त्रालयका अनुसार बागमती प्रदेशअन्तर्गत काठमाडौंमा ३२६ जना, काभ्रेमा ६ जना, चितवनमा ४५ जना, दोलखामा ६ जना, धादिङमा १० जना, नुवाकोटमा एकजना, भक्तपुरमा ४५ जना, मकवानपुरमा ३५ जना, रामेछापमा ५ जना, ललितपुरमा ३७ जना र सिन्धुलीमा २ जनामा कोरोना संक्रमण पुष्टि भएको छ ।
यस्तै गण्डकी प्रदेशमा कास्कीमा २३ जना, गोरखामा १७ जना, तनहुँमा ३ नवलपरासी पूर्वमा ५ जना, पर्वतमा एकजना, लमजुङमा २२ जना, बाग्लुङमा ६ जना र स्याङ्जामा ३ जनामा कोरोना पुष्टि मन्त्रालयले पुष्टि गरेको छ ।
प्रदेश ५ का जिल्लाहरुमा अर्घाखाँचीका एकजना, कपिलवस्तुका एकजना, गुल्मीका ६ जना, दाङका ३९ जना, नवलपरासीका १३ जना, पाल्पाका ३ जना, प्युठानका एकजना, बर्दियाका ७ जना, बाँकेका ६२ जना, रुपन्देहीका ७१ जना र रोल्पाका एकजनामा कोरोना संक्रमण पुष्टि भएको डा. गौतमको भनाइ छ ।
गौतमका अनुसार कर्णाली प्रदेशका जिल्लाहरुमा जाजरकोटमा ३ जना, दैलेखमा ३ जना र सल्यानमा २ जनामा कोरोना पुष्टि भएको छ ।
सुदूरपश्चिम प्रदेशअन्तर्गत कञ्चनपुरमा ५ जना, कैलालीमा ४ जना, डडेल्धुरामा एकजना, डोटीमा २ जना र बझाङमा १६ जनामा कोरोना संक्रमण पुष्टि मन्त्रालयको नियमित प्रेस ब्रिफिङमा जानकारी दिइयो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।