चितवनको भरतपुर अस्पतालमा उपचाररत एक कोरोना संक्रमितको मृत्यु भएको छ । 

नवलपुरको देवचुली नगरपालिका–१ स्थायी घर भएका ६४ वर्षीय पुरुषको मंगलबार साँझ साढे पाँच बजे मृत्यु भएको हो । 

उनी खोकी र श्वासप्रश्वासमा समस्या भएपछि शुक्रबार अस्पतालको आइसियू कक्षमा भर्ना भएका थिए । 

अस्पताल आउनुभन्दा दुई दिनअघि नै उनमा कोरोना संक्रमण देखिएको थियो । उनको उपचारको क्रममा मृत्यु भएको हो । 

अस्पतालका सूचना अधिकारी लीलाधर पौडेलका अनुसार मृतक पुरुष मिर्गौला फेल भई विगत केही समयदेखि डायलासिस गर्दै आएका थिए ।