आज मन्त्रिपरिषद् बैठक बस्दै छ । यही बैठकमा नेपाल विद्युत् प्राधिकरणमा कार्यकारी प्रमुखको कार्यकालबारे निर्णय हुनसक्ने बताइएको छ ।
एक मन्त्रीका अनुसार आजको बैठकमा नेपाल विद्युत् प्राधिकरणका कार्यकारी प्रमुख कुलमान घिसिङको समय थप्ने विषयमा सल्लाह हुँदैछ । घिसिङको चार वर्षे कार्यकाल २९ भदौमा सकिँदै छ ।
उनको कार्यकाल थप्न ऊर्जा मन्त्रालयबाट प्रस्ताव आज मन्त्रिपरिषद् बैठकमा लग्न सकिने ती मन्त्रीले जानकारी दिएका हुन् । ती मन्त्रीका अनुसार यसपटक कुलमानकाे कार्यकाल २ वर्षका लागि मात्र थप हुनसक्ने सम्भावना बढी छ ।
देशमा प्रत्येक दिन घन्टौं लोडसेडिङ हुने समयमा विद्युत् प्राधिकरणका कार्यकारीमा खुला प्रतिस्पर्धाबाट पुगेका घिसिङले लोडसेडिङ अन्त्य गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।