शनिबार भएको खेलमा आर्सनलले यो सिजन शीर्ष लिगमा उक्लिएको फुलहम एफसीमाथि ३–० को सहज जित निकाल्दै यो सिजनको इंग्लिस प्रिमियर लिगमा सुखद सुरुवात गरेको छ । 

फुलहमको घरेलु मैदान क्रेभन कटेजमा भएको खेलमा ८औँ मिनेटमा नै एलेक्सजेन्डर लाकाजेटले गोल गर्दै आर्सनललाई अग्रता दिलाएका थिए । खेलको ४९औँ मिनेटमा विलियनको कर्नर क्रसलाई हेडमार्फत उत्कृष्ट गोल गर्दै ग्याब्रियलले आर्सनलको अग्रतालाई दोब्बर बनाए । 

खेलको ५७औँ मिनेटमा विलियनकै पासलाई सदुपयोग गर्दै कप्तान पियरे इम्रिक औबामियाङले आर्सनललाई ३–० को स्थितिमा पुर्याए । त्यसपछि कुनै पनि टिमबाट गोल हुन नसकेपछि आर्सनले सहज जित हातपारेको हो ।