कोरोना संक्रमण देखिएकी चितवनकी ८५ वर्षीया वृद्धाको मृत्यु भएको छ । भरतपुर महानगरपालिका–५ टाइगर चोक निवासी वृद्धाको आइतबार बिहान मृत्यु भएको जिल्ला स्वास्थ्य कार्यालय चितवनले जानकारी दिएको छ ।

संक्रमण पुष्टि भए पनि उनी होम आइसोलेसनमा रहेकी थिइन् । वृद्धा अल्सर र क्यान्सरकी बिरामी हुन्।

होम आइसोलेसनमा रहेका कोरोना संक्रमितको मृत्यु भएको चितवनमा यो दोश्रो घटना हो ।

यसअघि खैरहनी नगरपालिकाकी १०८ वर्षीया वृद्धाको पनि घरमै मृत्युभएपछि कोरोना पुष्टि भएको थियो।

कोरोना संक्रमणका कारण अहिलेसम्म चितवनका १७ जनाको मृत्यु भएको छ।

चितवनमा कुल १ हजार २ सय ४७ जनामा कोरोना संक्रमण पुष्टि भएकोमा होम आइसोलेसनमा मात्रै २५० जनाभन्दा बढी रहेका छन्।