समयमै मल नल्याएको कम्पनी शैलुङ इन्टरप्राइजेजलाई कालोसूचीमा राख्ने निर्णय तत्काल कार्यान्वयन नगर्न उच्च अदालत पाटनले आदेश दिएको छ । 

न्यायाधीश रमेशप्रसाद राजभण्डारीको इजलासले बुधबारसम्म निर्णय कार्यान्वयन नगर्न कृषि सामाग्री कम्पनीका नाममा अल्पकालीन अन्तरिम आदेश जारी गरेको हो । 

आइतबार शैलुङ इन्टरप्राइजेजले कृषि सामग्री कम्पनीको निर्णयविरुद्ध अदालतमा रिट हालेको थियो ।

सो रिटमा सुनुवाइ गर्दै उच्च अदालतले रिटका दुवै पक्षलाई बहसका लागि बुधबार बोलाएको छ । बहसपछि कालोसूचीमा राख्ने निर्णय कार्यान्वयनबारे आदेश जारी हुनेछ ।

यसअघि समयमै मल नल्लाउने शैलुङ इन्टरप्राइजेज र होनिको मल्टिपललाई कालोसूचीमा राख्न कृषि सामाग्री कम्पनी लिमिटेडले सार्वजनिक खरिद अनुगमन कार्यालयलाई पत्र लेखेको थियो ।

मल नल्याएपछि कृषि मन्त्री घनश्याम भुसालले यसअघि नै धरौटी जफतको निर्णय भइसकेको पत्रकार सम्मेलनमार्फत जानकारी गराएका थिए ।