‘बैंक पनि साथी पनि, राम्रो पनि हाम्रो पनि’ नाराका साथ वित्तीय सेवा दिँदै आएको एनआइसी एशिया बैंकले किया ब्रान्डका गाडी खरिदका लागि ऋण दिने भएको छ । बैंकले किया ब्रान्डका सवारीसाधनको नेपालका लागि आधिकारिक विक्रेता कन्टिनेन्टल ट्रेनिङ इन्टरप्राइजेजसँग सहकार्य गरी सुविधा दिन लागेको हो ।
बैंकका सहायक प्रमुख कार्यकारी अधिकृत सन्तोषकुमार राठी तथा कन्टिनेन्टलका सहायक निर्देशक आशिष पौडेलले सहकार्यसम्बन्धी सहमतिपत्रमा हस्ताक्षर गरेका हुन् । सहमतिसँगै कन्टिनेन्टलले बैंकलाई फाइनान्स पार्टनर बनाउने र बैंकले किया ब्राण्ड गाडी खरिद गर्दा सहज रुपमा कर्जा प्रदान गरिने बताइएको छ ।
बैंकले ल्याएको सुपर चमत्कारिक सवारी कर्जामा वार्षिक ८.२५ प्रतिशत ब्याजदर तथा ०.२५ प्रतिशत प्रशासनिक शुल्कका साथै अन्य अतुलनीय र असीमित सुविधाले भरिपूर्ण कर्जामार्फत किया ब्रान्डका कार खरिद गर्न सकिने बैंकले जनाएको छ । सहकार्यसँगै निजी सवारी साधन खरिदमा काठमाडौं उपत्यकाका उपभोक्ताले प्रशासनिक शुल्क भुक्तानी गर्न नपर्ने बताइएको छ ।
यस बैंकले उक्त चमत्कारिक सवारी कर्जामार्फत ग्राहकलाई आवश्यक कागजात प्राप्त भएको ४८ घण्टाभित्रै कर्जा प्रवाह गर्न सकिने व्यवस्था गरेको छ । यस सुपर चमत्कारिक सवारी कर्जा अन्तर्गत अधिकतम रू. २ करोडसम्मको रातो प्लेटका निजी तथा व्यवसायका लागि सवारी खरिद गर्न सकिने व्यवस्था छ । बैंकले रातो नम्बर प्लेटका निजी प्रयोजनको सवारीका लागि ५० प्रतिशत तथा व्यवसायिक प्रयोजनका रातो नम्बर प्लेटको सवारीका लागि ८० प्रतिशत कर्जा प्रवाह गर्ने बताइएको छ ।
कियाका देशभरका सम्पूर्ण डिलरबाट ग्राहकले यो सुविधा लिन सक्ने समझदारीमा उल्लेख छ । यस सँगै सवारी धितो राखेको हकमा ८ वर्षसम्म र सवारी तथा घरजग्गा दुबै धितो राखेको खण्डमा अधिकतम १५ वर्षसम्म कर्जा अवधि हुने व्यवस्था गरिएको छ ।
बैंकको ‘सुपर चमत्कारिक सवारी कर्जा’ प्राप्त गरेपश्चात् पहिलो वर्षसम्म कर्जाको ब्याजदर परिवर्तन नहुने र यसको ग्यारेन्टीका निमित्त बैंक र ऋणीको बिचमा व्यवस्था हुने कर्जा प्रस्ताव पत्र र बैंकले ब्याजदर सम्बन्धी प्रतिबद्धता पत्रको व्यवस्था गर्नेछ । एक वर्ष पश्चात् बैंकले ८.२५ प्रतिशत वा बेसरेट ८.२५ प्रतिशतभन्दा बढी भएमा बेसरेट बराबर नै यस कर्जाको ब्याजदर कायम गर्ने व्यवस्था गरेको छ ।
यस कर्जा सम्बन्धी सल्लाह, सुझाव तथा ग्राहकको गुनासो वा जिज्ञासाको उचित समयमा प्रभावकारी तवरले समाधान तथा निराकरण गर्ने हेतुले बैंकले ‘सवारी कर्जा सहायता डेस्क’ स्थापना गरेको छ । यसका लागि सवारी खरिद गर्न चाहनुहुने महानुभावहरूले ९८४१७६३५८५ नम्बरमा सिधै फोन गर्न सक्नुहुनेछ । यस बाहेक ३४४८८ मा लोन टाइप गरी एसएमएस मार्फत थप जानकारी प्राप्त गर्न सकिनेछ । साथै बैंकको टोल फ्री नम्बर १६६०–०१–७७७७१ तथा इमेल ठेगाना मार्फत समेत कर्जाबारे जानकारी लिन सकिने व्यवस्था गरिएको छ ।
हाल बैकले देशभर ३२६ शाखा, ४६६ एटिएम, १०२ एक्स्टेन्सन काउण्टर एवं ६४ वटा शाखा रहित बैंकिङमार्फत वित्तीय सेवा प्रदान गर्र्दै आएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।