महानगरीय प्रहरी वृत्त थिमी र सो मातहतका कार्यालयमा कार्यरत ६३ जना प्रहरीमा कोरोना संक्रमण पुष्टि भएको छ । 

केही दिनअघि वृत्तमा कार्यरत एक सय ३० जनाको स्वाब संकलन गरेर कोरोना परीक्षणका लागि पठाइएको थियो । 

उनीहरुमध्ये ६३ जनामा कोरोना पुष्टि भएको सो वृत्तले जनाएको छ । यति धेरै संख्याका प्रहरीलाई एकैपटक कोरोना संक्तमण भएपछि वृत्तको काम–कारबाही प्रभावित बनेको छ । 

संक्रमित प्रहरीहरुलाई खरिपाटीस्थित आइसोलेसन केन्द्रमा राखिएको छ । दुईजनालाई भने बोडेको आइसोलेसनमा राखिएको छ ।