जुम्लामा अनसनरत् चिकित्सक डा. गोविन्द केसीमाथि प्रहरीले हस्तक्षेप गरेको जछ । 

जुम्लाको सिंहचौरमा रहेको बाबिर मस्टाे मन्दिरमा अनसनमा रहेका केसीलाई प्रहरीले शनिबार राति त्यहाँबाट अन्यत्र लैजान खोजेको हो ।

डा. केसीनिकट प्रितम सुवेदीले दिएको जानकारीअनुसार डा. केसीको इच्छाविपरित् अनसनस्थलबाट उठाएर लगिएको बताए । फरकधारसँगको टेलिफोन सम्पर्कमा प्रितमले भने, ‘सायद उहाँलाई अस्पताल लगेका होलान् । केही समयअघि एक हुल प्रहरी आएर उहाँको इच्छाविपरित अनसनस्थलबाट लगिएको हो ।’

यसअघि डा. केसी अनसन बसेपछि उनलाई आइसियूमा राखिनु पर्ने चिकित्सकले बताएका थिए । तर, डा. केसीले यसलाई अस्वीकार गर्दै आएका थिए ।