वीरगञ्जमा दुईजना कोरोना संक्रमितको मृत्यु भएको छ । मृत्यु हुनेमा बाराको कलैया–१३का ६५ वर्षीय पुरुष र रौतहटको गौरका ६१ वर्षीय पुरुष छन् । 

उनीहरु दुवैको को उपचारका क्रममा आइतबार बिहान नेसनल मेडिकल कलेज अस्थायी कोरोना अस्पतालमा मृत्यु भएको हो ।

सो अस्पतालका कोभिड फोकल पर्सन डाक्टर असरफ हुसैनका अनुसार कलैयाका पुरुषको बिहान ५ बजे र रौतहटका पुरुषको साढे ७ बजे उपचारकै क्रममा मृत्यु भएको हो ।

यसँगै बारामा कोरोना संक्रमणबाट मृत्यु हुनेको संख्या २१ पुगेको छ ।