डा. गोविन्द केसीको समर्थनमा ‘सय गोविन्दको सय मिनेट अनशन’
फरकधार / ६ असोज, २०७७
डा. गोविन्द केसीको समर्थनमा युवा । फाइल तस्बिर

चिकित्सा शिक्षा र स्वास्थ्य क्षेत्रमा सुधारको माग राख्दै अनशनरत डा. गोविन्द केसीको समर्थनमा ‘सय गोविन्दको समय मिनेट अनशन’ हुने भएको छ । डा. केसीका मागप्रति ऐक्यबद्धता जनाउन आज (मंगलबार) बेलुका ५ बजेदेखि माइतीघरमा अनशन सुरु हुन लागेको हो ।



‘उहाँको सत्याग्रहमा हाम्रो पनि समर्थन छ भनेर हामी सय जना जम्मा भएर १०० मिनेट अनशन बस्ने छौं’, डा. केसीका सहयोगी तथा सामाजिक अभियन्ता प्रितम सुवेदीले भने ।

डा. केसी विगत नौ दिनदेखि आमरण अनशनमा छन् । यो उनको १९ औं अनशन हो । १९ औं अनशन उनले जुम्लाको चन्दननाथ– ६ नगरपालिकामा अवस्थित बनबिरा मन्दिर परिसरमा सुरु गरेका थिए । तर, सुरक्षा र अन्य केही विविध कारणले उनले आफ्नो अनशनलाई काठमाडौंमा निरन्तरता दिने निर्णय गरेका छन् । त्यसका लागि उनी मंगलबार काठमाडौं फर्किँदै छन् ।

डा. केसीले त्रिवि शिक्षण अस्पतालमा आफ्नो सत्याग्रह जारी राख्ने छन् । 



अहिले देशका विभिन्न ठाउँमा डा. केसीप्रति ऐक्यबद्धता जनाउँदै विभिन्न किसिमका आन्दोलनहरु भइरहेका छन् ।
 

  • प्रकाशित मिति : असोज ६, २०७७ मंगलबार १२:२६:१६,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया