डा. गोविन्द केसीको कोरोना परीक्षणका लागि स्वाब संकलन गरिएको छ । ११ दिनदेखि अनशनरत केसीको बिहीबार स्वाब संकलन गरिएको हो । ट्रमा सेन्टरबाट 
मंगलबार  त्रिवि शिक्षण अस्पताल पुगेका केसीले जनरल वार्डमै रहेर अनशनलाई निरन्तरता दिएका छन् ।

चिकित्सा शिक्षा र स्वास्थ्य क्षेत्रमा सुधारको माग राख्दै जुम्लाको चन्दननाथ नगरपालिकाको एक मन्दिरबाट केसीले यही भदौ २९ गते १९ औं अनशन सुरु गरेका थिए ।

उनको स्वास्थ्यलाई ध्यान दिँदै प्रहरीले कर्णाली स्वास्थ्य विज्ञान प्रतिष्ठान पुर्‍याएको थियो । उनी  जुम्लाबाट सोमबार नेपालगन्ज र मंगलबार काठमाडौं आएका थिए ।