डा. गोविन्द केसीको कोरोना रिपोर्ट नेगेटिभ आएको छ । अनशनरत केसीको गत बिहीबार कोरोना परीक्षणका लागि स्वाब संकलन गरिएको थियो । तीन दिनपछि आएको रिपोर्टमा कोरोना नेगेटिभ देखिएको हो । 

चिकित्सा शिक्षा र स्वास्थ्य क्षेत्रमा सुधारको माग राख्दै जुम्लाको चन्दननाथ नगरपालिकाको एक मन्दिरबाट केसीले यही भदौ २९ गते १९ औं अनशन सुरु गरेका थिए ।

उनको स्वास्थ्यलाई ध्यान दिँदै प्रहरीले कर्णाली स्वास्थ्य विज्ञान प्रतिष्ठान पुर्‍याएको थियो । उनी  जुम्लाबाट गत सोमबार नेपालगन्ज र मंगलबार काठमाडौं आएका थिए ।

विमानस्थलबाट सोझै ट्रमा सेन्टर लगिएका केसी हाल  त्रिवि शिक्षण अस्पतालको जनरल वार्डमै रहेर अनशनलाई निरन्तरता दिएका छन् ।