मकवानपुरको मकवानपुरगढी गाउँपालिकामा सामरी खोलाले बगाउँदा एक दम्पतीको मृत्यु भएको छ । उनीहरुको आइतबार मृत्यु भएको हो । 

इलाका प्रहरी कार्यालय मकवानपुर गढीका अनुसार मकवानपुरगढी ६ बाट वडा नं ३ तर्फ जाने क्रममा खोला तर्दा सोही ठाउँका ज्ञानबहादुर परियार र उनकी पत्नी तुलसाको बगेर मृत्यु भएको हो ।

खोलाले बगाएर उनीहरुलाई ६० फिट तलसम्म पुर्याएको थियो । अविरल वर्षाले मकवानपुरका विभिन्न खोलामा पानीको बहाव तीव्र छ ।

यसअघि मकवानपुरका विभिन्न स्थानमा खोलामा शनिबार डुबेर तीनजनाको मृत्यु भएको  थियो ।