कोरोना संक्रमणका कारण नेपालमा थप एक स्वास्थ्यकर्मीको मृत्यु भएको छ । पर्सामा सिनियर हेल्थ असिस्टेन्ट पदमा कार्यरत एक स्वास्थ्यकर्मीको उपचारको क्रममा काठमाडौंमा मृत्यु भएको हो । 

महोत्तरी घर भई हाल पर्साको जगरनाथपुर गाउँपालिकामा स्वास्थ्यकर्मीको रुपमा कार्यरत उनको सोमबार बिहान मृत्यु भएको हो । उनी एक साताअघि रुघाखोकी र ज्वरो आएपछि बिदा लिएर महोत्तरी गएका थिए ।

कोरोना लक्षण देखिएपछि जनकपुर प्रादेशिक प्रयोगशालामा परीक्षण गराउँदा उनको पिसिआर रिपोर्ट पोजेटिभ आएको थियो । थप उपचारको लागि काठमााडौं लगिएकोमा उनको सोमबार मृत्यु भएको हो ।