प्रमुख प्रतिपक्ष दल नेपाली काङ्ग्रेसका नेताहरुमा कोरोना संक्रमण पुष्टि भएपछि शीर्ष नेताहरु कन्ट्र्याक्ट ट्रेसिङमा परेका छन् ।
यसअघि कांग्रेसका दुई नेता अर्जुननरसिंह केसी र गगन थापालाई कोरोना संक्रमण पुष्टि भइसकेको छ । कांग्रेस केन्द्रीय कार्यालयमा शुक्रबार गरिएको स्वाब संकलन पछि आएको रिपोर्टमा यी नेताहरुलाई कोरोना संक्रमण पुष्टि भएको हो ।
अन्य थप केही नेताहरुको कोरोना रिपोर्ट आउनै बाँकी छ ।
कांग्रेस केन्द्रीय कार्यालय स्रोतका अनुसार अहिलेसम्म ११ जनाको रिपोर्ट आइसकेको हो । यीमध्ये ४ जनामा कोरोना संक्रमण पुष्टि भएको हो ।
अन्यको रिपोर्ट आएपछि अब कांग्रेस केन्द्रीय समिति बैठक के हुने भन्ने टुङ्गो लाग्ने भएको छ । नेपाली काङ्ग्रेसले १९ असोजदेखि केन्द्रीय समिति बैठक गर्ने भनिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
