मकवानपुरको भीमफेदी गाउँपालिका वडा नम्बर ६ चिसापानीगढीमा आज मध्याह्न सुमो दुर्घटना भएको छ । सो दुर्घटनामा परी तीनजनाको मृत्यु भएको छ । 

ना १ ज ४१०६ नम्बरको सुमो दुर्घटना हुँदा दुईजनाको घटनास्थलमै तथा एकजनाको हेटौँडा अस्पतालमा उपचारका क्रममा मृत्यु भएको मकवानपुरका प्रहरी प्रवक्ता इन्द्रबहादुर रानाले जानकारी दिए । 

मृत्यु हुनेमा झापा जिल्लाकी २५ वर्षीया देवीकुमारी गिरीको पहिचान भएको छ । घटनास्थलमा मृत्यु भएका दुईजनाको पहिचान खुल्न नसकेको प्रहरीको भनाइ छ । 

घाइतेको हेटौंडा अस्पताल र चुरे हिल अस्पतालमा उपचार भइरहेको छ । घाइतेमध्ये चारजनाको अवस्था गम्भीर रहेको प्रहरीले जनाएको छ । 

आज बिहान ११ बजे हेटौंँडाबाट काठमाडौँ लागि छुटेको दक्षिणकाली सुमो सेवाको गाडी चिसापानी गढीमा दुर्घटना हुँदा सडकबाट झण्डै १०० मिटर तल खसेको थियो ।