बलिउड अभिनेता संजय दत्तको एक तस्बिर अहिले सामाजिक सञ्जालमा निकै भाइरल भइरहेको छ। तस्बिरमा उनी कमजोर देखिएका छन्। अस्पतालमा उनी एक महिला डाक्टरका साथ उभिएका छन्। 

अभिनेता दत्तलाई क्यान्सर भएको केही दिनअघि पत्ता लागेको थियो। यसकै कारण उनी सिनेमा क्षेत्रबाट केही समयका लागि ब्रेक लिएका छन्। 
उनको यस्तो दयनीय तस्बिर देखेर उनका प्रशंसकहरु दुःखी भएका छन्। छिट्टै निको होस् भनी कामना गरिरहेका छन्। 

तस्बिरमा उनी निकै गलेको जस्तो देखिएका छन्। सिनेमामा बोल्ड सञ्जय दत्तलाई देखेका दर्शकहरु उनको यो रुप देखेर नमज्जा मानिरहेका छन्। उनको यो तस्बिर देखेर एक व्यक्तिले ट्विटरमा भनेका छन्‘बाबा धेरै कमजोर हुनुभएछ’। 

आफ्नो अवस्थाबारे बताउँदै दत्तले आफू उपचारमा रहेको जानकारी दिएका छन्। साथीहरु म अहिले मेडिकल उपचारमा छु, मेरा परिवार साथीहरु मेरो साथमा हुनुहुन्छ। 
अन्तिम पटक सञ्जय दत्त सडक–२ मा देखिएका थिए।