आकस्मिक र कोभिडबाहेकका सबै सेवा ठप्प पार्ने चिकित्सक संघको घोषणा
फरकधार / २४ असोज, २०७७

नेपाल चिकित्सक संघले डा. गोविन्द केसीको अनसनको समर्थनमा आइतबार देशभरका स्वास्थ्य संस्थामा अत्यावश्यक तथा कोभिड १९ बाहेकका अन्य सेवा बन्द गर्ने निर्णय गरेको छ । 



सरकारले आइतबारसम्म डा. केसी माग सम्बोधन नगरेमा यो आन्दोलन गर्ने चेतावनी चिकित्सक संघले दिएको हो । 

डा. केसीले चिकित्सा शिक्षा तथा क्षेत्रमा सुधारको माग गर्दै अनसन बसेको २७ दिन भएको छ । 

बुधबार चिकित्सक संघले एक विज्ञप्ति जारी गर्दै अस्पतालहरु ठप्प पार्ने घोषणा गरेको हो । डा. केसीका मागप्रति सरकार गम्भीर नभएमा आन्दोलनका थप कडा कार्यक्रममा जान बाध्य हुने संघले जनाएको छ ।



यसअघि संघले केसीसँग वार्ता गर्न सरकार तयार भएको र वार्ता सकारात्मक भएको भन्दै यसअघिका आन्दोलनका कार्यक्रम स्थगित गरेको थियो । 

तर, शनिबार वार्ताका लागि बनेको डा. केसीको समूहले सरकार गम्भीर नभएको भन्दै विज्ञप्ति प्रकाशन गरेको थियो । लगत्तै शिक्षामन्त्री गिरिराजमणि पोखरेलसहितको टोलीले प्रधानमन्त्री केपी शर्मा ओलीसँग छलफल गरेर डा. केसीलाई अनसन स्थगित गर्न अनुरोध गरेको थियो ।

चिकित्सा शिक्षा तथा यो क्षेत्रमा सुधारको माग गर्दै डा. केसी अनसन बसेको यो १९ औं पटक हो । हुम्लाबाट सुरु भएको डा. केसीको यो अनसन आज २७ औं दिनमा चलिरहेको छ । अहिले डा. केसी महाराजगन्जस्थित शिक्षण अस्पतालमा छन् ।

  • प्रकाशित मिति : असोज २४, २०७७ शनिबार १८:१४:४२,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया