शनिबार नेपालमा पछिल्लो २४ घन्टामा सबैभन्दा धेरै कोरोनाभाइरस संक्रमित भेटिए । नेपालमा यही दिन १५ जनाले कोरोनाभाइरसका कारण ज्यान पनि गुमाएका छन् । 

स्वास्थ्य तथा जनसंख्या मन्त्रालयले शनिबार दिउँसो गरेको पत्रकार सम्मेलनमा १४ जनाको निधन कोरोनाका कारण भएको जानकारी दिएको थियो । 

शनिबार साँझ नै भरतपुरमा कोरोनाभाइरस संक्रमणका कारण एक पुरुषको पनि निधन भएको छ । भरतपुर महानगरपालिका १ का ४७ वर्षीय पुरुषको शनिबार निधन भएको हो । उनी शुक्रबार मात्र ज्वरो, खोकी र श्वासप्रश्वासको समस्या भएपछि अस्पताल भर्ना भएका थिए । 

योसँगै शनिबार मात्र नेपालमा १५ जनाले कोरोनाका कारण ज्यान गुमाएका हुन् । योसँगै नेपालमा कोरोनाका कारण ज्यान गुमाउनेको संख्या ६ सय १५ पुगेको छ ।