रोयल च्यालेन्जर्स बैंग्लोरका कप्तान विराट कोहलीका लागि शनिबारको दिन निकै खास थियो । उनको टिमले महेन्द्रसिंह धोनीको टिम चेन्नई सुपर किंग्सलाई हालसम्मकै सबैभन्दा ठूलो (३७ रन) को जित हासिल गरेको थियो ।
हाल सयुक्त अरब इमिरेट्मा जारी लिग अन्र्तगतको २५औं खेल शनिबार दुबई अन्तराष्ट्रिय क्रिकेट मैदानमा बैंग्लोरका र चेन्नई बीच भएको थियो । उक्त खेलमा कप्तान विराट कोहलीको अविजित ९० रनको मद्दतमा टिमले १६९ रन बनाएको थियो । १७० रनको लक्ष्य पछ्याएको चेन्नईले १३२ रन मात्र बनाउन सक्यो ।
विराट कोहली तथा बैंग्लोरका समर्थकले कोहलीको यो उत्कृष्ट प्रदर्शको श्रेय उनकी पत्नी अनुष्का शर्मालाई दिएका छन् ।
ती समर्थकले यदि विराटको यो उत्कृष्ट प्रदर्शको श्रेय अरु कसैलाई जान्छ भने त्यो अनुष्कालाई नै जान्छ भन्दै सामाजिक सञ्जाल ट्विटरमा पोस्ट गरिरहेका छन् ।
अनुष्का शनिबार भएको खेल हेर्न युएई पुगेकी थिइन् । क्यामेराम्यानले पनि उनलाई बारम्बार देखाइरहेका थिए । कोहलीले अर्धशतक प्रहार गरेपछि अनुष्कातर्फ नै ब्याट देखाउँदै खुसी मनाएका थिए भने अनुष्काले पनि उनको हौसला बढाइरहेकी थिइन् ।
यो भन्न मुस्किल छ की अनुष्काको उपस्थितिले नै कोहलीलाई उत्कृष्ट प्रदर्शन गर्ने प्रेरणा मिलेको हो । तर, उनको उपस्थितिले विराटमा केही ऊर्जा थपिएको चाहिँ पक्कै हो ।
अनुष्कालाई विराटको उच्च प्रदर्शनको श्रेय अनुष्कालाई दिइरहेका समर्थकको तर्क छ, ‘हामीले कोहलीको खराब प्रदर्शनमा अनुष्कालाई दोषी ठानिरहेका हुन्छौंँ भने उच्च प्रदर्शनको श्रेय उनलाई किन नदिने ?’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।