नेशन्स लिग फुटबल अन्तर्गतको खेलमा इङ्ल्याण्डले बेल्जियममाथि जित निकालेको छ । आइतबार राति भएको खेलमा समूह ए टूमा रहेको इङ्ल्याण्डले बेल्जियमलाई २–१ हराउन सफल भएको हो । 

 १६ औँ मिनेटमा  नै बेल्जियमले गोल गरी खेलमा अग्रूता बनाएको थियो । पेनाल्टीको सदुपयोग रामेलु लुकाकुले गोल गरी बेल्जियमलाई सुरुवाति अग्रता दिलाएका थिए ।

पहिलो हाफमै इङ्ल्याण्डले पनि पेनाल्टीको अवसर पायो । ३९ औँ मिनेटमा  त्यसलाई  मार्कस रासफोर्डले गोलमा परिणत गरेर खेलबराबरी गरे ।  

६४औँ मिनेटमा म्यासन माउन्टले गोल गरेपछि इङ्ल्याण्डले २–१ को जित निश्चित गरेको हो।

जितपछि तीन खेलबाट सात अंक जोडेको इङ्ल्याण्ड समूहको शीर्ष स्थानमा पुगेको छ । ६ अंकसहित बेल्जियम दोस्रो स्थानमा छ ।