कर्णाली प्रदेशका मुख्यमन्त्रीविरुद्ध दर्ता भएको अविश्वासको प्रस्तावबारे नेकपाका नेताहरुले विभिन्न प्रतिक्रिया दिइरहेका छन् । यसैक्रममा नेकपाका नेता भीम रावलले  कर्णालीमा भएको खिचातानीलाई ‘नेकपामा अनिष्टको संकेत’का रुपमा टिप्पणी गरेका छन् । 

पार्टीको स्थायी कमिटीले संघीय र प्रदेश सरकारको हेरफेरको निर्णय गरे पनि त्यसको कार्यान्वयन नहुँदै आफूखुसी अविश्वास प्रस्ताव ल्याइएको भन्दै उनले सामाजिक सञ्जाल ट्विटरमार्फत नेतृत्वको गम्भीर ध्यानाकर्षण गराएका छन् । 

उनले लेखेका छन्– ‘नेकपा, स्थायी समितिले विधि र पद्धतिमा जोड दिँदै संघीय र प्रदेश सरकारमा हेरफेर गर्ने निर्णय गरेको थियो । निर्णय कार्यान्वयन नहुँदै कर्णाली प्रदेशका मुख्यमन्त्रीविरुद्ध पार्टीकै सांसदहरूले प्रस्ताव दर्ता गर्नु अनिष्टको संकेत हुन सक्छ । समयमै नेतृत्वको गम्भीर ध्यान जाओस् । देशहित ठूलो हो ।’

नेकपा,स्थायी समितिले विधि र पद्धतिमा जोड दिदै संघीय र प्रदेश सरकारमा हेरफेर गर्ने निर्णय गरेको थियो।निर्णय कार्यान्वयन नहुँदै कर्णाली प्रदेशका मुख्यमन्त्री विरूद्ध पार्टीकै सांसदहरूले प्रस्ताव दर्ता गर्नु अनिष्टको संकेत हुनसक्छ।समयमै नेतृत्वको गम्भीर ध्यान जाओस्।देशहित ठूलो हो ।

— Bhim Rawal, PhD (@BhimRawal179) October 12, 2020