लुम्बिनी प्रदेशको बुटवलमा शनिबार दुई जनाको कोरोनाभाइरस संक्रमितको निधन भएको छ । यीमध्ये एक जनाको शुक्रबार राति नै निधन भएको हो । बाँकेमा एक पुरुषको निधन भएको हो । 

त्यस्तै, शनिबार विहान नै रुपन्देहीमा थप एक कोरोनाभाइरस संक्रमितको निधन भएको छ । तिलोत्तमा नगरपालिका वडा नं ७ का ७५ वर्षीय पुरुषको कोरोना अस्पताल बुटवलमा शनिबार विहान निधन भएको हो ।

५ कात्तिकमा उनलाई कोरोनाभाइरस संक्रमण भएको पुष्टि भएको थियो । त्यही दिन अस्पताल भर्ना भएका उनको लुम्बिनी प्रादेशिक अस्पतालमा निधन भएको हो । 

उनी फोक्सोका दीर्घरोगी थिए । योसँगै रुपन्देहीमा ५६ जनाको निधन भएको छ । लुम्बिनी प्रदेशमा मृत्यु हुनेको संख्या १ सय ४१ पुगेको छ ।