नेपालमा कोरोनाभाइरसका कारण पाँच महिने शिशुको ज्यान गएको छ । धरानस्थित बीपी कोइराला स्वास्थ्य विज्ञान प्रतिष्ठानमा कोरोना संक्रमित पाँच महिने शिशुको ज्यान गएको हो ।

उनी मोरङको सुन्दरहरैंचाकी हुन् । उनलाई शुक्रबार मात्र कोरोनाभाइरस संक्रमण भएको पुष्टि भएको थियो ।

शुक्रबार कोरोना पुष्टि भएपछि उपचारका लागि उनलाई अस्पतालमा भर्ना गरिएको थियो । उनलाई मष्तिस्कसम्बन्धी समस्या भएको बताइएको छ ।