नेपालमा पछिल्लो २४ घन्टामा ५ सय ७० जना कोरोनाभाइरस संक्रमित थपिएका छन् ।

स्वास्थ्य तथा जनसंख्या मन्त्रलायले दिएको जानकारीअनुसार पछिल्लो २४ घन्टामा २ सय ११ महिला र ३ सय ५९ पुरुष गरि ५ सय ७० जनामा कोरोनाभाइरस संक्रमण पुष्टि भएको हो । 

केही दिन यता नेपालमा दैनिक कम्तिमा पनि ३ हजारभन्दा बढी कोरोनाभाइरस संक्रमित थपिएका थिए । तर, आज ५ सय ७० जना मात्र कोरोभाइरस संक्रमित थपिएका छन् । 

यस्तो हुनुको कारण हो, पछिल्लो २४ घन्टामा गरिएको अत्यन्त कम परीक्षण । पछिल्लो २४ घन्टामा २ हजार ७ सय २५ पिसिआर परीक्षण मात्र गरिएको छ । यही कारण पनि नेपालमा पछिल्लो २४ घन्टामा थपिएको संक्रमितको संख्या कम देखिएको हो । 

यही २४ घन्टामा नेपालमा कोरोनाबाट ज्यान गुमाउनेको संख्या चाहिँ १४ रहेको छ ।

यही २४ घन्टामा काठमाडौंमा २ सय ५२ जना कोरोनाभाइरस संक्रमित थपिएका छन् । यीमध्ये ९७ जना महिला र १ सय ५५ जना पुरुष रहेका छन् ।