विभिन्न प्रदेशले कोरोना परीक्षण निःशुल्क गर्ने घोषणा गरिरहेका छन् । यो सूचीमा सुदूरपश्चिम प्रदेश पनि पर्ने भएको छ । 

सो प्रदेशका मुख्यमन्त्री त्रिलोचन भट्टले प्रदेशमा कोरोना निःशुल्क परीक्षण हुने र उपचार पनि निरन्तर हुने जनाएका छन् । उनले कोभिड–१९ विरुद्ध एकजुट भएर लाग्न सबैलाई सुझाब दिएका छन् । 

प्रदेश सरकारले कोरोना जाँच र उपचार निःशुल्क गरे पनि सजग भएर हिँड्नुपर्ने मुख्यमन्त्री भट्टले बताए । उनले भने, ‘ कोरोना जाँच र उपचार निःशुल्क गर्दै आएका छौँ, नागरिकले पनि कोरोना जोखिमबाट बच्न सावधानी अपनाउनुपर्ने हुन्छ ।’