वीरगन्जमा निजी विद्यालयहरुले ८ देखि १० कक्षासम्मको अध्ययन–अध्यापन सुरु गरेका छन् । कोरोना संकटका कारण लामो समयदेखि बन्द रहेका विद्यालय बिहीबारदेखि खुलाइएको हो ।

वीरगन्जका दुई दर्जनभन्दा बढी विद्यालयहरुले विद्यार्थीलाई अनिवार्य मास्क लगाएर विद्यालय आउन उर्दी जारी गरेका छन् भने विद्यालय प्रवेश गर्नुअघि मूलगेटमै अनिवार्य स्यानिटाइजको व्यवस्था गरिएको छ । 

विद्यालय खुलाउनका लागि वीरगन्ज महानगपालिका अनुमति दिएसँगै पठनपाठन सुचारु हुन लागेको हो । 

नगरप्रमुख विजयकुमार सरावगीले अभिभावकहरुको सहमतिमा मास्कसहितको सामाजिक दूरी अपनाएर कक्षा सञ्चालनको अनुमति दिएको बताएका छन् ।