इन्डियन प्रिमियर लिग (आइपिएल) अन्तर्गत गए राति राजस्थान रोयल्स विरुद्धको खेलमा शतक प्रहार गर्नबाट मात्र १ रनले चुकेका किंग्स ११ पञ्जावका ब्याट्सम्यान क्रिस गेललाई आयोजक कमिटीले म्याच फिको दश प्रतिशत जरिवाना गराएको छ । 

खेलको २० औं ओभरको तेस्रो बलमा जोर्फा आर्चरबाट ९९ रनमा बोल्ड आउट भएका गेलले शतक प्रहार गर्न नसकेको रिसमा आफ्नो ब्याटलाई मैदानमा फालेका थिए । जुन खेल भावना विपरीत कार्य हो । 

आयोजक कमिटीले गेललाई जरिवाना लगाएको ठोस कारण नबताए पनि सहजै अनुमान लगाउन सकिन्छ कि उनलाई खेल भावना विपरीत कार्य गरेकै कारण यो सजाय दिइएको हो । गेलले पनि आफ्नो गल्ती स्वीकार गरिसकेका छन् । उक्त खेल पञ्जाबले ७ विकेटले गुमाएको थियो ।