विराटनगरमा थप दुई कोरोनाभाइरस संक्रमितको निधन भएको छ । विराटनगरको न्युरो अस्पतालमा मंगलबार विहान दुई कोरोनाभाइरस संक्रमितको निधन भएको हो । 

मृत्यु हुने दुवै पुरुष हुन् । मृत्यु हुनेमा विराटनगरका ४९ वर्षका पुरुष र धरानका ६३ वर्षीय पुरुष रहेका छन् । 

धरानका यी पुरुष २७ असोजमा कोरोनाभाइरस संक्रमण देखिएपछि १२ कार्तिकमा अस्पताल भर्ना भएका थिए । १४ कार्तिकमा अस्पताल भर्ना भएका विराटनगरका पुरुषमा चाहिँ त्यही दिन कोरोना संक्रमण पुष्टि भएको थियो ।