अहिले अमेरिका चुनावमय भएको छ । चार वर्षका लागि अमेरिकामा अब राष्ट्रपति को हुने भन्ने भोलिसम्ममा निक्र्योल हुनेछ । 

चुनावी अभियानमा भएका डेमोक्रेटिक पार्टीका नेता जो बाइडेन र रिपब्लिकन पार्टीका डोनाल्ड ट्रम्पले आआफूले निर्वाचन जित्ने दाबी गरेका छन् । दुवैले यसका लागि अनेक तर्क पनि दिएका छन् । 

यहीबीच अहिले अमेरिकी पूर्वराष्ट्रपति बाराक ओबामाको एउटा फोन कल व्यापक भाइरल भएको छ । यो फोन कल अरु देशहरुमा मात्र होइन, नेपालमा पनि पूरै सेयर गरिएको छ । नेपालमा यो भिडियोलाई सेयर गर्नेहरुले एउटा नेता हुनु कति कठिन हो भन्ने सबैले थाहा पाउनु पर्ने बताएका छन् । 

भिडियोमा बाराक ओबामाले एक अमेरिकी नागरिकलाई फोन गर्छन् र जो बाइडेनलाई मत दिन अनुरोध गर्छन् । उनले आफूले अहिले फोन बैंकिङ गरेर भोट मागेको बताउँछन् । 

सालिन शैलीमा उनले गरेको फोनमा उनी आठ महिनाका बालकसँग पनि जोडिन खोजेको बताउँछन् किनकि उनले जसलाई फोन गरेका थिए, ती महिलाका आठ महिने छोराको आवाज फोनमा सुनिएको हुन्छ । 

हेर्नुहोस्, नेपालमा पनि चर्चा कमाएको उनको यो भिडियोः

You could be the difference between someone making it out to the polls or staying home. And many states could be decided by a handful of votes. Join me and make some calls for Joe in the last few days of this election: https://t.co/FZknijCx0E pic.twitter.com/XGUnAArRXW

— Barack Obama (@BarackObama) October 31, 2020