जनता समाजवादी पार्टीका नेता तथा पूर्वप्रधानमन्त्री बाबुराम भट्टराईले प्रधानमन्त्री केपी शर्मा ओलीलाई पश्चगमनको मतियार भएको आरोप लगाएका छन् । बुधबार साँझ ट्विट गर्दै भट्टराईले ओली पश्चगामी सोचको चतुर खेलाडी भएको बताएका हुन् । आफूलाई फोन गरी स्वास्थ्य लाभको कामना गरेकोमा धन्यवाद दिँदै भट्टराई ओलीविरुद्ध खनिएका हुन् । भट्टराईमा केही दिनअघि कोरोना संक्रमण देखिएको थियो ।

नेकपाभित्र अहिले देखिएको किचलो अग्रगमन र पश्चगमन बीचको लडाइँ भएको ठहर उनले गरेका छन् । ‘तीतो सत्य भन्नैपर्छः नेकपाभित्रको किचलो रूपमा दुई अध्यक्षबीचको सत्तासंघर्ष देखिए पनि सारमा त्यो गहिरो वैचारिक–राजनीतिक अन्तरविरोधको अभिव्यक्ति नै हो। यो अन्तर्यमा अग्रगमन र पश्चगमनबीचको लडाइँ हो’ भट्टराईले भनेका छन् । 

संविधानसभामा अग्रगामी एजेण्डा निस्तेज पार्न लागि परेको आरोप उले लगाएका छन् । अहिले ओलीको नेतृत्वमा देश तीब्र गतिमा पश्चगमनतर्फ दौडिरहेकाे दाबी भट्टराईको छ। 

२.ओली नेपाली राजनीतिका पश्चगामी सोच राख्ने चतुर खेलाडी हुन्।संविधानसभामा अग्रगामी एजेण्डा निस्तेज पार्न माओवादी-मधेसवादी विरूद्ध नेकासंग सहकार्य गरे।पछि सत्तानिम्ति चुनावमा नेकाविरूद्ध माओवादीसंग एकता गरे।अहिले ओली नेतृत्वमा देश तीव्र गतिले प्रतिगमनतिर दौडिरहेछ!अब के?सबैले सोचौं!

— Baburam Bhattarai (@brb1954) November 4, 2020