सत्तारुढ नेपाल कम्युनिस्ट पार्टी (नेकपा) का अध्यक्ष एवं प्रधानमन्त्री केपी शर्मा ओलीलाई केन्द्रीय सचिवालय बैठकमा सहमत गराउन असन्तुष्ट पक्षका सदस्यहरु बालुवाटार पुगेका छन् । यस विषयमा करिब तीन घण्टा पार्टी केन्द्रीय कार्यालय धुमबाराहीमा छलफल गरेर उनीहरु बालुवाटार पुगेका हुन् ।
नेकपाका कार्यकारी अध्यक्ष पुष्पकमल दाहाल प्रचण्डसहित वरिष्ठ नेताद्वय माधवकुमार नेपाल, झलनाथ खनाल, उपाध्यक्ष वामदेव गौतम, प्रवक्ता नारायणकाजी श्रेष्ठ लिखित पत्रसहित बालुवाटार पुगेका हुन् ।
यसअघि उनीहरुले शुक्रबार धुमबाराहीमा अनौपचारिक सचिवालयको बैठक बसेका थिए । उक्त बैठकले पार्टीको सचिवालय बैठक बोलाउन अध्यक्ष ओलीलाई आग्रह गर्न बालुवाटार जाने निर्णय गरेको थियो ।
ओलीले औपचारिकरुपमा केन्द्रीय सचिवालय बैठक डाकेमा पार्टी फुटको घोषणा गर्ने चेतावनी दिएपछि ‘प्रचण्ड’ले अनौपचारिक बैठक डाकेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।