नेपालीको महान चाड तिहारको समयमा तीन दिन बैंकका सबै शाखा बन्द हुने भएका छन् । देशभर नै कोरोनाको कहर बढ्दै गएको र विभिन्न बैंकका कर्मचारीमा पनि संक्रमण बढिरहेको भन्दै नेपाल बैंकर्स संघले तिहार बिदाका बेला शाखा कार्यालय बन्द गर्ने निर्णय गरेको हो ।
कात्तिक २९ देखि मंसिर १ गतेसम्म सबै शाखा बन्द गरिने संघले जनाएको छ । संघका अनुसार, वाणिज्य बैंकका करिब ६ हजार कर्मचारी संक्रमित भइसकेका छन् । यो अवधिमा डिजिटल बैंकिङ सेवा निरन्तर हुनेछ भने एटिएमसमेत सञ्चालन हुनेछ ।