विश्व कोरोना महामारीको चपेटामा परेको समयमा पर्यटनका क्षेत्रमा कार्यरत सबै मजदुरका समस्या सम्बोधन हुने गरी ठोस कार्ययोजना ल्याउन मजदुर संगठनहरुले माग गरेका छन् ।
अखिल नेपाल पर्यटन मजदुर संघ, क्रान्तिकारी पर्यटन मजदुर संघ, नेपाल स्वतन्त्र पर्यटन श्रमिक संघ (निटोग), नेपाल पर्यटन श्रमिक संघ र समाजवादी पर्यटन मजदुर संघले मंगलबार संयुक्त विज्ञप्ति जारी गरी ट्रकिङ र पर्वतारोहण क्षेत्रका श्रमिकहरुलाई मात्र लक्षित गरी नेपाल पर्यटन बोर्डले कार्ययोजना बनाउन लागेकोमा असन्तुष्टि व्यक्त गरेका हुन् ।
टुर्स, क्लाइम्बिङ, जलयात्रा, जंगल सफारी जस्ता साहसिक क्षेत्रमा कार्यरत मजदुरलाई बाइपास गरेर योजना निर्माण नगर्न पनि उनीहरुले चेतावनी दिएका छन् ।
पर्यटन मजदुरहरुले एक साताभित्र वार्ता र छलफलका माध्यमबाट सबैलाई सम्बोधन हुने योजना नबनाए कडा कदम चाल्न बाध्य हुने उल्लेख गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
