गोरखा अस्पतालमा एक कोरोनाभाइरस संक्रमितको मृत्यु भएको छ ।

मृत्यु हुनेमा पालुङटार नगरपालिका ७ का ८३ वर्षीय पुरुष रहेका छन् । उपचारको क्रममा उनको मंगलबार विहान ७ बजे निधन भएको अस्पतालले जनाएको छ ।

दुई साताअघि कोरोनाभाइरस संक्रमण पुष्टि भएपछि उनी २७ कार्तिकमा अस्पताल भर्ना भएका थिए । फोक्सोको क्यान्सरबाट समेत पीडित उनलाई भेन्टिलेटरमा राखेर उपचार गरिँदै थियो । 

योसँगै गोरखामा कोरोनाबाट मृत्यु हुनेको संख्या ३ पुगेको छ ।