अमेरिकी राष्ट्रपति डोनाल्ड ट्रम्पले अझै पनि अमेरिकी निर्वाचनमा हार स्वीकार गरेका छैनन् ।

उनले केही दिनअघि एक ट्विट गर्दै आफूले निर्वाचन जितेको समेत दाबी गरेका थिए ।

उनले एक पटक डेमोक्रेटिक उम्मेदवार जो बाइडेनले जितेको त बताएका थिए तर उनले धाँधली गरेको आरोप पनि लगाएका थिए । 

यही विषयमा अब जो बाइडेनले एक पत्रकार सम्मेलनमा बोलेका छन् । 

उनले यसबारे एक पत्रकारले सोधेको प्रश्नमा भने, ‘यो ट्रम्पवाद हो ।’

उनले ट्रम्पको कार्यकालमा केही पनि नबदलिएकाले आफूलाई ट्रम्प निकै ठूलो दबाबमा परेको हुनसक्ने अनुमान भएको पनि बताएका छन् ।

‘मैले पछिल्लो समय विश्वभरका नेताहरुसँग फोनमा कुराकानी गरिरहेको छु,’ बाइडेनले भने, ‘उनीहरु कोही पनि ट्रम्प दोहोरिउन् भन्ने चाहन्नन् । तर, अहिले उनी जे गरिरहेका छन्, यो देशकै लागि लज्जाको विषय हो ।’