नेपालमा कोरोनाभाइरसको प्रभाव बढ्दै गइरहेको छ । नेपालमा पछिल्ला दिनमा दैनिक सयौँको संख्यामा कोरोनाभाइरस संक्रमित भेटिएका छन् । 

स्वास्थ्य तथा जनसंख्या मन्त्रालयले दिएको तथ्यांकअनुसार अहिले नेपालमा ३० वर्षमाथिका र ५० वर्ष तलका सबैभन्दा धेरै कोरोनाभाइरस संक्रमित रहेका छन् । 

अनि नेपालका जिल्लाहरुमा काठमाडौं सबैभन्दा बढी कोरोनाभाइरस संक्रमित भएको जिल्ला हो । 

काठमाडौंमा सबै उमेर समूहमा कम्तिमा पनि एक हजारभन्दा धेरै कोरोनाभाइरस संक्रमित भेटिएका छन् । पछिल्लो तथ्यांकअनुसार काठमाडौंमा १० वर्षमुनिका कोरोनाभाइरस संक्रमितको संख्या १ हजार ९ सय १४ रहेको छ । 

यीमध्ये १ हजार १ सय २५ जना बालक हुन् भने ७ सय ८९ जना बालिका हुन् ।

उपत्यकाको कुरा गर्ने हो भने भक्तपुरमा २ सय ४१ १० वर्षमुनिका बालबालिकामा कोरोना संक्रमण देखिएको छ । त्यस्तै ललितपुरमा यो उमेर समूहका कोरोनाभाइरस संक्रमितको संख्या ३ सय १४ रहेको छ ।