मन्दिरको पृष्ठभूमामा खिचिएको एक भिडियोको ‘किस सिन’का विषयमा अहिले भारतीयहरु सामाजिक सञ्चाजमा भिडिरहेका छन् । अनलाइन भिडियो सेवा प्रदायक नेटफ्लिक्समाथि ठूलो समूह खनिएको छ । (#BoycottNetflix) नेटफ्लिक्सलाई बहिष्कार गरौँ भन्ने ह्यासट्याग अहिले भारतको ट्विटर ट्रेडिङमा पहिलो नम्बरमा रहेको छ । आइततबार दिउँसो ५ बजेसम्म यस ह्यासट्याग प्रयोग गरेर मात्रै ८० हजार भन्दा धेरै ट्विट गरिएको छ ।
नेटफ्लिक्सको एक सिरिज ‘अ सुटेबल ब्वाई’ को एक दृश्यका कारण नेटफ्लिक्समाथि भारतीयहरु खनिएका हुन् । त्यस दृश्यमा एक युवा र युवती मन्दिरको पृष्ठभूमिमा उभिएका छन् । उनीहरुले एक अर्कालाई चुम्बन गरिरहको देखिन्छ । पृष्ठभूमिमा मन्दिरमा पूजाका लागि महिलाहरु जाँदै गरेको, पुजा गर्दै गरेको देखिन्छ । घण्टी बजेको र आरती गरिएको आवाज पृष्ठभूमिमा सुनिन्छ ।
नेटफ्लिक्स इन्डियाले बनाएको यस सिरिजमा देखाइएको यो भिडियोमा एक हिन्दु युवती र मुस्लिम युवाले एक-अर्कालाई प्रेम गरेको कथाको प्रसंगको रहेको भारतीय मिडियाहरूले जनाएका छन् ।
मन्दिर परिसरमा चुम्बनको दृश्य देखाएर हिन्दुधर्मको अपमान गर्न खोजिएको भन्दै भारतका हिन्दुहरु विरोधमा उत्रिएका हुन् । हिन्दुधर्मको लचिलोपनको फाइदा उठाएर यस्तो दृश्य खिचिएको भन्दै गाली गरिएको छ ।
के मस्जिद अगाडी यस्ता दृश्यको भिडियो खिच्न छुट छ ? भन्दै प्रश्न गरेका छन् । यस सिरिजको एक भागमै तीन पटक मन्दिरकै परिपरमा चुम्बन गरेको दृश्य खिचिएको एक ट्विटर प्रयोग कर्ताले बताएका छन् ।
गौरब तिवारी नामका ती व्यक्तिले हिन्दु र मुस्लिमबीचको प्रेमको कहानीमा मन्दिरको मात्रै दृश्य किन खिचियो ? भनेर प्रश्न गरेका छन् ।
धेरैले आजदेखि मोबाइलबाट नेटफ्लिक्स नै हटाइदिएको जानकारी दिएका छन् ।
अपने ‘A Suitable Boy’ कार्यक्रम में @NetflixIndia ने एक ही एपिसोड में तीन बार मंदिर प्रांगण में चुंबन दृश्य फ़िल्माए। पटकथा के अनुसार मुस्लिम युवक को हिंदू महिला प्रेम करती है, पर सभी किसिंग सीन मंदिर प्रांगण में क्यूँ शूट किए गए?
— Gaurav Tiwari (@adolitics) November 21, 2020
मैने रीवा में इस मामले पर FIR दर्ज करा दी है। pic.twitter.com/RcwuPDDME2
केहीले भने नेटफ्लिक्सलाई बहिस्कार गर्ने मात्रै नभएर हिन्दु भावनालाई ठेस पुर्याउने नियतले यस्तो भिडियो बनाउने निर्माता निर्देशकलाई नै कारबाही गर्नुपर्ने तर्क पनि गरेका छन् ।
मध्य प्रदेशका गृहमन्त्री नरोत्तम मिश्राले यसरी एक धर्ममाथि प्रहरी गर्ने गरी भिडियो बनाउनु आपत्तिजनक रहेको भनेका छन् । उनले घटनाबारे छानबिन गर्ने प्रहरी अधिकारीहरुलाई निर्दशन दिएका छन् ।
भारतीय जनता पार्टीका केही नेताहरुले पनि यस भिडियोका बारेमा प्रश्न उठाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
