प्रधानमन्त्री केपी ओलीसँग फोटो खिच्न चाहने नेता, कार्यकर्ता र समर्थकको भीडभाड जताततै हुन्छ । त्योक्रम प्रधानमन्त्री ओली सोमबार ताप्लेजुङ पुग्दा पनि उस्तै थियो ।
सोमबार भने ओलीले ताप्लेजुङको घुन्सामा पुग्दा आफूसँग तस्बिर खिच्न चाहने नेता, कार्यकर्ता र समर्थककै फोटो खिचिदिएका छन् ।
प्रधानमन्त्रीका प्रेस सल्लाहकार सूर्य थापाले हेलिप्याडमा प्रधानमन्त्रीले नेता कार्यकर्ताको तस्बिर खिचेको ट्वीटरमार्फत् जानकारी दिए । प्रधानमन्त्रीले कार्यकर्ताको तस्बिर खिचिरहेको फोटो सार्वजनिक गर्दै उनले ओलीको प्रशंसा गरेका छन् ।
प्रधानमन्त्रीले तस्बिर खिच्दै गर्दा प्रदेश १ का मुख्यमन्त्री शेरधन राईसहितका नेता तथा कार्यकर्ता पोज दिइराखेका छन् ।
प्रधानमन्त्री केपी शर्मा ओलीले पार्टीका नेता कार्यकर्ता र समर्थकहरूलाई विभिन्न ढंगले उत्साहित पार्ने गर्नुहुन्छ । ताप्लेजुङको घुन्सामा पुग्नुहुँदा उहाँसँग तस्बिर खिच्न चाहनेहरूकाे त तछाडमछाड हुने नै भयाे । उहाँले हेलिप्याडमा नेता कार्यकर्ताकाे तस्बिर आफैले यसरी खिचिदिनु भयाे । pic.twitter.com/thrI4sSdGc
— Surya Thapa (@ThapajiSurya) November 23, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।