पछिल्लो २४ घण्टामा देशभर १ हजार ७९० लाई कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ८४३  जनाको पिसिआर परीक्षण गर्दा १ हजार ७९०  लाई कोरोना पोजेटिभ देखिएको हो । 

यो सँगै नेपालमा कोरोना संक्रमितको संख्या २ लाख २४ हजार ७८ पुगेको छ । संक्रमण पुष्टि भएकामध्ये २ लाख ४ हजार ८५८ जना निको भएका छन् । २४ घण्टामा २ हजार ७९१ जनाले कोरोना जिते ।

यस्तै २४ संक्रमितको मृत्यु भएको छ । हालसम्म कोरोना संक्रमित मृतकको संख्या १ हजार ३६१ पुगेको छ । सक्रिय संक्रमितको संख्या १७ हजार ८५९ रहेको छ ।