च्याम्पियन्स लिग फुटबल अन्तर्गत गएराति भएको महत्वपूर्ण खेलमा इन्टर मिलान रियल मड्रिडसँग पराजित भएको छ ।

घरेलु मैदानमा भएको खेलमा जित दर्ता गर्दै नकआउट चरणमा स्थान बनाउने इन्टर मिलानको सपनामा रियलले धक्का दिएको हो । उसकै मैदानमा रियलले २-० को जित दर्ता गरेको हो । 

खेलको सातौ मिनेटमा पहिलो गोल खाएको मिलानले ५९ औं मिनेटमा आत्मघाती गोल खाएको हो । 

मिलान खेलको ३३ औं मिनेटमा अटुटो भिडालले दोहोरो पहेंलो कार्ड खाएपछि १० खेलाडीमा सीमित भएको थियो । ​

रियलले सातौ मिनेटमा पाएको पेनाल्टीको सदुपयोग गर्दै पहिलो गोल गरेको थियो । पेनाल्टीको सदुपयोग इडन हजार्डले गरे ।

५९ औँ मिनेटमा मिलानका आचरफ हकिमीले आत्मघाती गोल गर्दै रियललाई जितको बाटो खुला गरिदिए । त्यसपछि खेल अवधिभर गोल हुन नसक्दा रियल २-० ले विजयी भएको हो । 

यो जितसँगै रियल ७ अंकसहित दोस्रो स्थानमा पुगेको छ । दुई अंकमात्र जोडेको मिलान तालिकाको पुछारमा छ ।